Geschichte
Wer am erste Junifäscht im 2005 gsi esch, weiss no wies ahgfange hed. Es esch als es Gebortstagsfäschtli vo Kollege, wo sech us de Bez kenned, dänkt gse, well i dem Jahr (im Juni) alli 16ni worde send. Es send gseh, de Möne (Manuel Huwiler, 10. Juni) Ruck (Marc Ruck, 12. Juni), de Thömi (Thomas Meyer, 13. Juni), d’Lex (Alexandra Meier, 17. Juni) de Mösu (Pascal Mosimann, 21. Juni) ond de Domi (Dominik Wiss 21. Juni) Sie händ zäme serste Junifäscht ide Waldhötte in Ätteschwil organisiert. Wie er secher no alli wössed esches zemli abgange met de einte ond de andere Abstörz.
Da serste Junifäscht sone guete ahklang gfonde hed onds de Organisatore au allne Spass gmacht hed, hämmer zäme entschlosse es werd e Vortsetzig gä.
Da snächste Junifäscht i üsne Visione chli grösser usgseh hed, hämmer üs nachemne neue Platz omgluegt.
Z’Auw obe bem Kurme (Adrian Kurmann, 20. Juni) semmer de föndig worde. Es esch e grossi Wiese met Wald dromome ond sehr abgläge. Ideal om so rechtig z'fäschte!
Da am 23. Juni 2006 grad no de WM-Macht Schwiz gäge Südkorea gseh esch, hämmer dänkt mer dönd dä live öberträge. Es esch en Bombestemmig gsi ond das händ glaub au oisi Schwiizer Natispieler gmerkt gha. Sie händ dä gäge Südkorea gwonne ond send wiiter cho. A dem Obe vom 2. Junifäscht händ mer met rond 150 lüüt es super tolls Fäscht chönne haa ond händ vo allne Siite positivi Röckmäldige öbercho.
Dank dem guete Echo hämer gfonde, mer müend das Fäscht eifach wiiterfüere, das scholdet mer dä Lüüt wo üs emmer so tatchräftig onderstötzed. Mer händ üs also vom OK schnäll weder zämegfonde ond händ scho schnäll weder planed förs nöchste Junifäscht 2007.
Es esch weder so wiit gsi, dä Juni esch abroche ond mer send super i dä Ziit gsi. S'Zält vo dä Jubla Düetu esch gstande ond mer wäred as Dekoriere cho. Doch dänn esch s'onerwartete itroffe. Es riise Gwetter esch öber Auw zoge ond hät dä das Zält zom istörze brocht. Mer send en Tag vor em Fäscht bi dä Wiese acho, ond händ es verressnigs ond kapotts Zält atroffe. Doch statt ufgeh, hämer all oisi Chräft zämegno ond händ zerst mol das Zält müesse usenand neh wells so kapott gsi esch.
Am Morge vom Junifäscht esch emmer no nüt gstande. Mer händ gschoftet ond gschafft ond so hämers gschafft, das das Zält bes am Obe gstande esch ond all Liechtalage ond so wiiter send installiert gsi. S'Fäscht hät chönne afo.
S'Fäscht esch üs dä weder suuper glonge. Huufe Lüüt send cho ond händ gfäschtet! Üsi noi Idee met de Biersprötzchanne esch mega guet acho ond au de Shuttlebusbetrieb esch sehr gschätzt worde.
Vele Dank a allne Hälfer vo letschtjohr, esch wahnsennig gsi, was mer do weder ufd Bei gstellt händ.
För dä wiiteri Verlauf vo dere Gschecht send ehr Zueständig. Bsueched ois das Johr am 1.August ond gebed alles bim Fäschte!
Auf ein frohes Wiedersehen chani do nor säge!